O‘zbekistonda koronavirusga chalinganlar soni 55 kishiga yetdi. To‘rt bemorning ahvoli og‘ir

O‘zbekistonda 25-mart 9:00 holatiga ko‘ra koronavirus infeksiyasini yuqtirib olgan fuqarolar soni 55 nafarga yetdi. Bu haqda Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov ma’lum qildi.

Uning so‘zlariga ko‘ra, koronavirus bilan kasallangan bemorlar soni besh nafarga ko‘payib, 55 nafarga yetgan. Ulardan 15 nafarida kasallik pnevmoniya bosqichida, to‘rt nafarining ahvoli og‘ir deb baholanmoqda. 20 ming aholi qat’iy karantin ostida.