» » Oliy va o‘rta maxsus ta’lim vazirligi kontrakt to‘lamagan talabalarga stipendiya berilmasligi haqidagi xabarlarga munosabat bildirdi

Oliy va o‘rta maxsus ta’lim vazirligi kontrakt to‘lamagan talabalarga stipendiya berilmasligi haqidagi xabarlarga munosabat bildirdi


O‘zbekistonda koronavirus infeksiyasi tarqalishining oldini olish maqsadida 16-martdan barcha ta’lim muassasalari qatori OTMlarda ham o‘qish to‘xtatilib, ta’til e’lon qilingan edi. Ijtimoiy tarmoqlarda ta’til e’lon qilinishi ortidan kontrakt pulini to‘lamagan talabalar o‘qishdan chetlatilayotganligi hamda talabalarga stipendiya berilmayotgani haqida xabarlar tarqaldi. O‘zbekiston Oliy va o‘rta maxsus ta’lim vazirligi ushbu xabarlar yuzasidan rasmiy bayonot berdi.

Bayonotda qayd etilishicha, karantin tufayli berilgan ta’til sabab to‘lov-shartnoma shartlarini bajarishga ulgurmagan talabalarga (shu jumladan, 1-kursning 2-yarmi uchun to‘lovlarga) rektorlar tomonidan qo‘shimcha muddat beriladi.

“Ijtimoiy tarmoqlarda muhokama qilinayotgan “so‘nggi muddat — 20-mart” talabalarga emas, balki 2019/2020-o‘quv yilida bakalavriat va magistraturaning birinchi kursiga to‘lov-shartnoma asosida talabalikka tavsiya etilgan hamda tabaqalashtirilgan to‘lov-kontrakt asosida o‘qish istagini bildirgan abituriyentlarga taalluqli”, — deyiladi bayonotda.

OTMda o‘quv mashg‘ulotlariga qatnagan hamda to‘lov-kontraktni 1-semestr uchun to‘lamaganlar ham abituriyent maqomida hisoblanadi.

Mavzuga doir: Oliy ta’lim vazirligi karantin talabalarning yozgi ta’tili qisqarishiga ta’sir qilishi mumkinligini bildirdi

Shuningdek, qayd etilishicha, OTMlarda karantin davrida to‘lov-shartnoma shartlarini bajarishga ulgurmaganlar talabalar safidan chiqarilmaydi va barcha talabalarga ta’lim shakli va o‘zlari tanlagan to‘lov turidan kelib chiqib, belgilangan tartibda stipendiyalar to‘liq to‘lab boriladi.

Respublikadagi barcha oliy ta’lim muassasalarida talabalarga 2020-yil mart oyi uchun stipendiyalar to‘lab berilgan. Shu bilan birga, to‘lov-kontrakt pulini to‘lamaganligi, akademik qarzdorligi, tegishli buyruq rasmiylashtirilmaganligi yoki bank plastik kartasi berilmaganligi uchun stipendiya to‘lashda kechikishlarga yo‘l qo‘yilgan holatlar aniqlanganligi ham bayonotda qayd etilgan.

Bu holatlarni ijobiy hal qilish uchun hozirda vazirlik tomonidan respublika miqyosida stipendiya to‘lanmagan talabalar haqida ma’lumot umumlashtirilib, ularga naqd pul ko‘rinishida to‘lanmay qolgan stipendiyalar talabaning doimiy yashash joyiga pochta orqali yuborilishi yoki tumanlardagi bank filiallari orqali ro‘yxat asosida tarqatilishi hamda bank plastik kartalari orqali to‘lanishi, plastik kartalar ochilmagan talabalarga yangi kartalar ochilib, bank muassasasining hududiy bo‘limi orqali yetkaziladi.



Manba: Daryo.uz
Опубликовано: admin (27-03-2020, 22:41)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 51) ( 0) ( 49) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют