Bahodir Yusupaliyev Sog‘liqni saqlash vazirining birinchi o‘rinbosari etib tayinlandi

O‘zbekiston Respublikasi Prezidentining 2017-yil 13-apreldagi farmoni bilan Yusupaliyev Bahodir Qahramonovich O‘zbekiston Respublikasi sog‘liqni saqlash vazirining birinchi o‘rinbosari etib tayinlandi. Bu haqda O‘zbekiston Respublikasi Sog‘liqni saqlash vazirligi matbuot xizmati xabar bermoqda.

Bahodir Yusupaliyev ushbu lavozimga tayinlangunga qadar O‘zbekiston Respublikasi Vazirlar Mahkamasi departamenti mudiri lavozimida faoliyat yuritgan.

Bunga qadar sog‘liqni saqlash vazirining birinchi o‘rinbosari lavozimini egallab kelgan Xojiboyev Adbuhakim Mo‘minovich sog‘liqni saqlash vaziri o‘rinbosari — Respublika shoshilinch tibbiy yordam ilmiy markazining bosh direktori etib tayinlandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!