O‘zbekistonning Tojikistondagi elchisi Dushanbe shahri meri Rustam Emomali bilan uchrashdi

O‘zbekistonning Tojikistondagi Favqulodda va muxtor elchisi Shoqosim Shoislomov Dushanbe shahri meri Rustam Emomali bilan uchrashdi. Bu haqda “1news.uz” xabar bermoqda.

Uchrashuvda turli yo‘nalishlardagi hamkorlik istiqbollari muhokama qilindi.

Toshkent va Dushanbe o‘rtasida muntazam aviareyslarning yo‘lga qo‘yilgani, poytaxtda o‘zbek sanoat mahsulotlari ko‘rgazmasi o‘tkazilishi mamnuniyat bilan qayd etildi.

Tomonlar mashinasozlik, yengil sanoat, maishiy va xo‘jalik mahsulotlari ishlab chiqarish bo‘yicha qo‘shma korxonalar ochish masalasini ham ko‘rib chiqdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!