Dunyoning eng xavfsiz mamlakati nomi e’lon qilindi

Finlyandiya 2017-yilda dunyoning eng xavfsiz mamlakati deb topildi. Butunjahon iqtisodiy forumi ekspertlari shunday fikrga keldi.

Finlyandiya 136 ta mamlakatdan iborat reytingning birinchi o‘rnini egalladi. Mazkur davlat 2016-yilning oktabrida chop etilgan ro‘yxatda yetakchilik qilgan.

Ikkinchi o‘rinni Birlashgan Arab Amirliklari egalladi. Uchinchi o‘rindan Islandiya joy oldi. Reytingning birinchi o‘nligidan Ummon, Gonkong, Singapur, Norvegiya, Shveysariya, Ruanda va Qatar joy oldi.

Reytingni tuzishda jinoyatchilik va terrorizm, shuningdek, harbiy mojarolar bilan bog‘liq vaziyatlar hisobga olinadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!