AQShda har kuni 100 mingdan ortiq odam koronavirusga test topshirmoqda

AQShda har kuni 100 mingdan ortiq odam koronavirus uchun test topshirmoqda. Bu haqda AQSh vitse-prezidenti Mayk Pensga tayanib, “RIA Novosti” xabar berdi.

“Har kuni 100 mingdan ortiq testlarni o‘tkazayotganimiz haqida bugun ma’lum qildik. Hozirga qadar 1,2 milliondan ortiq test olindi”, — deydi vitse-prezident.

AQSh koronavirus bilan kasallanganlar soni bo‘yicha dunyoda yetakchi davlatga aylandi. Mamlakatda 215 mingdan ortiq odam koronavirus yuqtirib olgan, vafot etganlar soni 5 mingdan oshdi.

Mavzuga doir:

Avvalroq Rossiyada koronavirusni yuqori aniqlikda aniqlovchi test yaratilgani haqida xabar berilgandi. Shuningdek, O‘zbekistonda ham koronavirusni aniqlash bo‘yicha test tizimi ishlab chiqilgan.