Oq uy Tramp koronavirusga qayta test topshirganini ma’lum qildi

AQSh prezidenti Donald Tramp koronavirusga qayta test topshirdi. Natijalar qoniqarsiz chiqqan, deb xabar beradi “RBK”.

Mamlakat rahbarining shifokori Shon Konlining ta’kidlashicha, Tramp natijasi 15 daqiqada chiqadigan tezkor testdan foydalangan. “U sog‘lom va kasallikning hech qanday belgilari aniqlangani yo‘q”, — deydi prezident shifokori.

Amerika yetakchisi birinchi bor 14-mart kuni koronavirusga test topshirgan. O‘shanda ham javob qoniqarsiz chiqqan. Trampning salomatligi borasidagi xavotirlar u konservatorlar anjumanida kasallanganlar bilan ko‘rishgan kongressmenlarni qabul qilganidan so‘ng, shuningdek, Braziliya delegatsiyasi bilan uchrashuvlaridan keyin paydo bo‘lgan edi.

Mavzuga doir: AQShda har kuni 100 mingdan ortiq odam koronavirusga test topshirmoqda

Eslatib o‘tamiz, AQShda koronavirus bilan kasallanganlar soni 245 mingdan oshib ketdi, virus oqibatida vafot etganlar soni 5926 kishiga yetdi. Oq uy ekspertlari koronavirus oqibatida 2,2 million amerikalik vafot etishi mumkinligini taxmin qildi.