Senat raisi Tanzila Norboyeva koronavirusga test topshirdi

O‘zbekiston Oliy Majlis Senati raisi Tanzila Norboyeva koronavirusga test topshirdi. Bu haqda Senat matbuot xizmati “Daryo”ga ma’lum qildi.

Ta’kidlanishicha, Tanzila Norboyevadan tashqari senatorlar, shuningdek, Senat devoni xodimlari ham test topshirgan. Natija salbiy chiqqan — Senatda koronavirus aniqlanmagan.

Ma’lumotlarga ko‘ra, Senatning yig‘ilishlari vaqtincha to‘xtatilib, majlislar videoaloqa tarzida o‘tkaziladi (3-yalpi majlisdagi kabi).

Mavzuga doir: 

Eslatib o‘tamiz, ayni vaqtda O‘zbekistonda koronavirus bilan kasallanganlar soni 241 kishini tashkil etmoqda. Virus oqibatida 39 yoshli shifokor hamda koronavirusga chalingan 72 yoshli ayol infarktdan vafot etgan.