2016-yilda sayohat vaqtida eng ko‘p pul sarflagan mamlakat fuqarolari aniqlandi

2016-yilda xitoylik sayyohlar chet el safarlari davomida eng ko‘p pul sarfladi. Bu haqda Jahon sayyohlik tashkilot (UNWTO) ma’lum qildi, deb xabar bermoqda Global Times.

Xitoy fuqarolari o‘tgan yili sayohat davomida 261 milliard dollar sarfladi. Ushbu ko‘rsatkich 2015-yilgiga nisbatan 12 foiz oshdi.

AQSh sayyohlari 122 milliard dollar sarflagan holda reytingda 2-o‘rinni egalladi. Kuchli uchlikka 81 milliard dollarlik sarf-xarajat bilan Germaniya fuqarolari kirdi.

To‘rtinchi o‘rin Buyuk Britaniyaga (64 milliard dollar) nasib qilgan bo‘lsa, Fransiya (41 milliard dollar) beshinchi o‘rindan joy oldi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!