Afg‘onistonda koronavirusga chalinganlar soni 367 kishiga yetdi

Afg‘onistonda koronavirusga chalinganlar soni 367 kishiga yetdi, 7 kishi vafot etdi. “RIA Novosti”ning yozishicha, bu haqda mamlakat Sog‘liqni saqlash vazirligiga tayanib, Tolo News telekanali xabar bermoqda.

Unda aytilishicha, so‘nggi sutkada koronavirusga chalinish bilan bog‘liq 30 ta yangi holat aniqlangan bo‘lib, ularning aksariyati — 16 tasi Hirot viloyatida qayd etilgan.

Mamlakatda kasallikdan tuzalganlar soni 17 nafarni tashkil etmoqda.

Eslatib o‘tamiz, Afg‘onistonda koronavirus bilan kasallanishning ilk holati fevral oyining oxirida qayd etilgan edi.

JSST ma’lumotlariga ko‘ra, o‘tgan bir sutka ichida butun dunyo bo‘ylab yangi turdagi COVID-19 koronavirusi bilan kasallanganlar 82 ming kishiga ko‘paydi, 5,7 mingdan ortiq odam vafot etdi.

Mavzuga doir: Afg‘onistonda koronavirus bilan bog‘liq vaziyat 9 oy davom etishi mumkinligi ma’lum qilindi