Yog‘och pol va o‘rindiqlarga ega Mercedes-AMG G 63 namoyish etildi

Polshaning Carlex tyuning-ustaxonasi yangi G-Class’ning maxsus versiyasini — G-Yachting Limited Editon’ni taqdim etdi. Yo‘ltanlamasning o‘ziga xosligi — kuzovidagi ikki rang, xromlangan 22-dyuymli diskalar, shuningdek, salon poli va o‘rindiqlar yoni xuddi yaxtalardagi kabi tabiiy yog‘ochdan ishlangani, deb xabar beradi Motor.

“Galendvagen”ning G-Yachting Limited Edition versiyasini bo‘yalmagan metall kabi ko‘rinishga ega kumushrang kuzovi orqali osonlikcha ajratib olish mumkin. Kuzovning tepa qismi qora jilosiz bo‘yoq bilan qoplangan.

Salon to‘liq yopilgan: old o‘rindiqlar charmdan ishlangan Carlex Design orginal mahsulotlari bilan almashtirilgan, pol va o‘rindiqning orqa qismi yog‘och bilan qoplangan, shift qismi alkantara (mato turi) bilan bezatilgan. Ikkinchi o‘rindiqning yoniga Yachting Edition nomli gerb tikilgan; kuzovning tokchalari zamsh bilan qoplangan. Bu kabi ranglar jilosi yo‘lovchiga yaxta kayutasini yodga solib, “dengiz”ni his qilishga yordam beradi.

Texnik jihatdan Mercedes-Benz G-Yachting Limited Edition versiyasi AMG G 64 kabi: 585 ot kuchiga ega 4,0 litrli V8 dvigateli o‘rnatilgan. Transmissiya — to‘qqiz pog‘onali “avtomat”.

Mavzuga doir: Video: Uch bo‘lak taxtadan qanday qilib “Formula-1” bolidini yasash mumkin?

Carlex Design hozircha G-Yachting Limited Edition narxi va tirajini e’lon qilmadi.