» » Toshkentda koronavirusdan davolanayotgan 212 bemorning 13 nafari og‘ir ahvolda

Toshkentda koronavirusdan davolanayotgan 212 bemorning 13 nafari og‘ir ahvolda


O‘zbekistonda koronavirusga chalingan bemorlar soni 11-aprel soat 10:00 holatiga ko‘ra 694 nafarga yetdi. Ayni vaqtda bemorlarning 212 nafari Toshkent shahrida davolanmoqda. Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov “O‘zbekiston 24” telekanalidagi chiqishida Toshkentdagi bemorlar ahvoli haqida qisqacha axborot berdi.

Otabekovning Toshkentdagi Virusologiya ilmiy-tekshirish instituti rahbariyati taqdim etgan ma’lumotlarga asoslanib xabar berishcha, ushbu institut klinikasida davolanayotgan 104 nafar bemorning 28 nafarida pnevmoniya belgilari kuzatilyapti, sakkiz nafar bemorning ahvoli og‘ir deb baholanmoqda.

Epidemiologiya, mikrobiologiya va yuqumli kasalliklar ilmiy-tekshirish instituti klinikasida 108 nafar bemor davolanmoqda, besh bemorning ahvoli og‘ir. “Viloyatlardagi bemorlar uchun Toshkent bilan to‘g‘ridan to‘g‘ri telemaslahatlashuv tizimi tashkil etilgan. Barcha hududlardagi bemorlar nazoratga olingan”, — dedi Nurmat Otabekov.

Ma’lumot uchun, 10-aprel soat 10:00 holatiga ko‘ra Toshkentda 208 nafar bemor davolanayotgani ma’lum qilingan (Virusologiyada 98 nafar, Epidemiologiyada 110 nafar), ulardan 14 nafarining ahvoli og‘ir deb baholanayotgani ta’kidlangan edi.

Eslatib o‘tamiz, O‘zbekistonda shu vaqtgacha aniqlangan koronavirus bilan kasallanish holatlarining uchtasi o‘lim bilan yakunlandi, 42 holatda bemorlar sog‘ayishga muvaffaq bo‘ldi. O‘zbekistondan tashqarida kamida 23 vatandoshda kasallik aniqlangan, ularning uch nafari vafot etgan.

Mavzuga doir: O‘zbekistonda koronavirusga chalinganlar soni 694 kishiga yetdi



Manba: Daryo.uz
Опубликовано: admin (11-04-2020, 10:56)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 38) ( 0) ( 36) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют