Harri Keyn “Manchester Yunayted”ga o‘tmoqchi, biroq “Tottenhem” uni APL klublariga sotmoqchi emas

“Tottenhem” hujumchisi Harri Keyn “Manchester Yunayted” safiga o‘tishga qarshi emas, deya xabar qilmoqda Daily Mail.

Futbolchi bir necha oydan buyon londonliklar safini tark etish haqida o‘ylamoqda. Harri avvalroq sovrinlar yutish istagida ekani haqida gapirgandi.

Avvalroq “Tottenhem” qarzlarni yopish maqsadida Keynni 200 million funtga sotib yuborishga tayyor ekani xabar qilingandi. Keyinroq esa “shporlar” tajribali hujumchini Premyer Ligadagi raqobatchilar, xususan, “Manchester Yunayted”ga sotishni istamayotgani aytildi.

Keyn Premyer Liga joriy mavsumida 20 ta o‘yin o‘tkazib, 11 golga muallif bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!