O‘zbekistonda alkogol va tamakiga yangi aksiz markalari joriy etiladi

“Alkogol va tamaki mahsulotlariga yangi namunadagi aksiz markalarini joriy etish to‘g‘risida”gi hukumat qarori qabul qilindi, deb xabar bermoqda Adliya vazirligi matbuot xizmati.

Qarorga muvofiq, 2020-yil 1-maydan boshlab alkogol va tamaki mahsulotlariga yangi namunadagi aksiz markalari joriy etiladi.

Eski namunadagi aksiz markalari bilan markalangan ulgurji va chakana savdo tarmog‘idagi alkogol va tamaki mahsulotlari 2021-yil 1-fevraldan markalanmagan deb hisoblanadi va belgilangan tartibda olib qo‘yiladi.

Qaror bilan yangi aksiz markalari namunalari va tavsiflari tasdiqlandi.

Avvalroq O‘zbekistonda tamaki mahsuloti uchun aksiz solig‘i joriy qilinishi xabar berilgan edi.

Mavzuga doir: O‘zbekistonda karantin davrida spirtli ichimliklar do‘konlari nima uchun yopilmayotgani ma’lum qilindi