Afg‘oniston prezidenti Trampning milliy xavfsizlik bo‘yicha yordamchisi bilan uchrashdi

Afg‘oniston prezidenti Ashraf G‘ani 16-aprel, yakshanba kuni AQSh prezidenti Donald Trampning milliy xavfsizlik bo‘yicha maslahatchisi Gerbert Makmaster bilan uchrashuv o‘tkazdi. Bu haqda “Sinxua” agentligi xabar bermoqda, deb yozadi “TASS”.

Tomonlar Afg‘onistondagi xavfsizlik sohasidagi vaziyat va ikki tomonlama munosabatlarni muhokama qilganligi ma’lum qilinmoqda.

12-aprel kuni Tramp Shimoliy Atlantika kelishuvi tashkiloti bosh kotibi Yens Stoltenberg bilan muzokaralari yakuniga ko‘ra, Makmaster AQSh afg‘onistonlik hamkorlari va NATO bo‘yicha ittifoqchilari bilan munosabatlarini rivojlantirishga qanday erishishni tushunish uchun Afg‘onistonga yo‘l olishini ma’lum qilgan edi. “Daryo”ning Telegram’dagi rasmiy kanali — @toshqindaryo’ga a’zo bo‘ling!