Xitoyliklar hashamatli elektrokrossover yaratdi (foto)

Xitoyning SAIC kompaniyasi Shanxaydagi avtoshouda to‘rt o‘rindiqli elektrokrossover – Vision-E konseptini namoyish qiladi. Bu haqda “Motor” xabar bermoqda.

Mashinaning tashqi ko‘rinishiga e’tibor qaratilsa, uning shakli biroz noodatiy ekanini, yon oynalar o‘rnida kameralar turganini ko‘rish mumkin. Mashina salonidagi o‘rindiqlar katta tunnel bilan ajratilgan.

Shuningdek, old qismida katta multimedia displeyi o‘rnatilgan bo‘lib, turli tizimlarni boshqarishga mo‘jallangan.

Taxminlarga ko‘ra, Vision-E elektrokari bitta quvvatlanishda 500 kilometrga yaqin masofani bosib o‘tishi mumkin. Avtomobilning premyerasi 18-aprel kuni bo‘lib o‘tadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!