Qirg‘izistonda koronavirusga chalinganlar soni 695 kishiga yetdi
Qirg‘izistonda koronavirus bilan kasallanish bo‘yicha yana 13 ta holat qayd etildi. Shunday qilib, butun mamlakat bo‘ylab COVID-19 bilan kasallanganlar soni 695 kishiga yetdi. Bu haqda mamlakat sog‘liqni saqlash vaziri o‘rinbosari Nurbo‘lat Usenboyevga tayanib, “Kloop.kg” xabar berdi.
Koronavirus bilan kasallanish bo‘yicha so‘nggi holatlar mamlakatning quyidagi hududlarida qayd etilgan:
“Koronavirus bilan kasallanish bo‘yicha qayd etilgan so‘nggi 13 holatning ikkitasi chetdan kirib kelgan. Virus Rossiyadan qaytgan ikki fuqaroda aniqlangan. Fuqarolardan biri ikki oydan ortiqroq vaqt davomida Sol-Ilesk shahrida bo‘lgan va davlat chegarasini kesib o‘tayotganida tahlillar unda koronavirus borligini ko‘rsatgan. Ikkinchi fuqaro esa Novgoroddan qaytgan”, — deydi vazir o‘rinbosari.
Shu bilan birga, kasallikka chalinganlarning uch nafari tibbiyot xodimlari. Mamlakatda pandemiya boshlanganidan buyon COVID-19 bilan kasallangan tibbiyot xodimlari soni 183 nafarga yetdi.
Ayni vaqtda Qirg‘izistondagi statsionarlarda 292 kishi davolanmoqda, 7 nafar bemor jonlantirish bo‘limida. Jami 395 bemor davolanishga muvaffaq bo‘lgan, 8 kishi esa COVID-19 qurboniga aylangan.
O‘zbekistonda 27-aprel soat 10:00 holatiga ko‘ra, koronavirus infeksiyasini yuqtirib olganlar soni 1887 nafarga yetdi. Mamlakatda 15-martdan buyon koronavirusga chalingan bemorlarning sakkiz nafari vafot etdi, 789 nafari esa sog‘ayib, reabilitatsiyaga olingan.
Manba: Daryo.uz