» » Niderlandiyadagi ikki fermada qorako’zanlar koronavirusga chalindi

Niderlandiyadagi ikki fermada qorako’zanlar koronavirusga chalindi


Niderlandiyadagi Shimoliy Braband provinsiyasida joylashgan ikki fermada qorako‘zan (norka)larning koronavirusga chalingani qayd etildi. Bu haqda mamlakatning iqtisodiyot, qishloq xo‘jaligi, atrof-muhit va oziq-ovqat sifati vaziri Karola Sxauten ma’lum qilgan.

Uning aytishicha, hayvonlarda ovqat hazm qilish va nafas olish bilan bo‘liq muammolar kuzatilmoqda. Kasallik ularda odamdan yuqqan deb taxmin qilinmoqda, chunki ferma xodimlarining ayrimlarida COVID-19 belgilari kuzatilgan.

Qayd etilishicha, har ikki fermada jami 20 mingta  qorako‘zan bor. Kasallik tarqalishining oldini olish maqsadida ularni ferma hududidan tashqariga olib chiqish, shuningdek, u yerga kirish taqiqlangan. Tibbiyot xodimlari ferma atrofida yurmaslikni tavsiya qilmoqda.

Avvalroq AQShda ilk bor mushuklarda ham koronavirus qayd etilgandi. AQSh Qishloq xo‘jaligi vazirligi va Kasalliklarni nazorat qilish va profilaktika markazi vakili Keysi Bartonning ta’kidlashicha, hozircha hayvonlar odamlarga virus yuqtirishi mumkinligi haqida dalillar yo‘q.

Undan avvalroq esa Nyu-Yorkdagi Bronks hayvonot bog‘ida yo‘lbars koronavirus yuqtirib olgani haqida xabar berilgan edi. Infeksiya unga parvarishlayotgan xodimdan yuqqan bo‘lishi mumkin, deb hisoblanmoqda.



Manba: Daryo.uz
Опубликовано: admin (27-04-2020, 18:11)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 36) ( 0) ( 35) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют