Superliganing eng qimmat futbolchilari ma’lum bo‘ldi. Kuchli o‘nlikning 7 futbolchisi “Paxtakor”dan

Transfermarkt portali O‘zbekiston Superligasi futbolchilari narxini ma’lum qildi.

Unga ko‘ra, “Paxtakor” hujumkor yarim himoyachisi Jaloliddin Masharipov eng qimmat futbolchi bo‘lib turibdi. Masharipovning narxi 1,4 million yevroga baholangan. “Paxtakor”ning yana bir hujumchisi Igor Sergeyev esa 1,3 million yevro narx bilan ikkinchi o‘rinda bormoqda.

Keyingi pog‘onadan “Lokomotiv” hujumchisi Temurxo‘ja Abduxoliqov o‘rin olgan (950 ming yevro). Xuddi shuncha narxga baholangan Dragan Cheran Superliganing eng qimmat legioneri bo‘lib turibdi.

Eng qimmat futbolchilar kuchli o‘nligining yetti nafar vakili “Paxtakor” futbolchisi bo‘lib turibdi. Top-20 talikning yarmini amaldagi chempionning futbolchilari band etgan.

Quyida Superliganing eng qimmat 20 ta futbolchisi bilan tanishing:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!