» » Xitoyda koronavirusga chalinish bo‘yicha yana 22 ta, Janubiy Koreyada esa 9 ta holat aniqlandi

Xitoyda koronavirusga chalinish bo‘yicha yana 22 ta, Janubiy Koreyada esa 9 ta holat aniqlandi


Xitoyda o‘tgan bir sutka ichida koronavirus bilan kasallanish bo‘yicha yana 22 ta holat aniqlandi, 23 kishi tuzaldi, vafot etganlar qayd etilmadi. Bu haqda Xitoy Sog‘liqni saqlash milliy komissiyasi ma’lumotlariga tayanib, “RIA Novosti” xabar berdi.

Koronavirus pandemiyasi boshlanganidan buyon mamlakatda 83 940 kishi virus yuqtirib olgan, ularning 78 422 nafari davolanishga muvaffaq bo‘lgan, 4637 nafar bemor vafot etgan.

Shuningdek, yana 26 kishida kasallik alomatlarsiz kechayotgani aniqlangan. Umumiy hisobda, bunday kishilarning yana 993 nafari shifokorlar nazoratida bo‘lib turibdi.

Janubiy Koreyada esa so‘nggi sutka ichida koronavirus bilan kasallanish bo‘yicha 19 ta holat aniqlangan, bemorlarning 68 nafari sog‘aygan, 2 nafari vafot etgan.

Koronavirus pandemiyasi boshlanganidan buyon mamlakatda 10 761 kishi virus yuqtirib olgan, ularning 8 922 nafari davolanishga muvaffaq bo‘lgan, 246 nafar bemor vafot etgan.

Mamlakatda deyarli 1 haftadan buyon koronavirusga chalinish bo‘yicha har kuni 10 ga yaqin holat aniqlanmoqda. Faqat 24-aprel kuni bu ko‘rsatkich 6 kishiga teng bo‘lgan.

Qayd etilishicha, mamlakatda yangi kasallanishlar sonining kamayishi sababli hukumat ijtimoiy masofalanish rejimini yengillashtirilgan shaklda 5-maygacha uzaytirdi. Istirohat bog‘lari va dam olish maskanlari qayta ochiladigan bo‘ldi, sport, diniy va ko‘ngilochar muassasalarga o‘z faoliyatini cheklangan holda davom ettirishga ruxsat beriladi.

Mamlakatda 15-aprel kuni parlament saylovlari bo‘lib o‘tdi. Shu kuni saylov uchastkalariga borish uchun ko‘plab odamlar ko‘chaga chiqdi. Karantin idoralari saylovlardan 2 hafta o‘tib kasallanganlar soni oshish-oshmasligini sinchkovlik bilan kuzatib borishini e’lon qildi. Ammo hozircha kasallanganlar soni oshgani kuzatilmayapti.

Mavzuga doir: 



Manba: Daryo.uz
Опубликовано: admin (29-04-2020, 11:56)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 98) ( 0) ( 96) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют