“O‘zbekiston havo yo‘llari” MAK Nagoyadan Guamga charter reyslarini amalga oshirdi

“O‘zbekiston havo yo‘llari” milliy aviakompaniyasi yaponiyalik sayyohlarni Yaponiyaning Nagoya shahridan AQShning Guam oroliga tashish bo‘yicha charter dasturini amalga oshirdi, deb yozadi UzDaily.

“O‘zbekiston havo yo‘llari” tomonidan aviakompaniyaning Tokiodagi vakolatxonasi bilan birgalikda tashkillashtirilgan dastur doirasida milliy aviatashuvchining uch ekipaji 28-fevraldan 2-aprelga qadar yaponiyalik sayyohlarni Nagoya—Guam—Nagoya yo‘nalishi bo‘yicha tashidi.

MAK ekipajlari tomonidan Airbus 320 zamonaviy avialaynerida jami 33 ta reys amalga oshirildi va 4200 yo‘lovchi tashildi.