Beruniy tumanida hokim o‘rinbosari bo‘shatildi va yangidan uch nafari tayinlandi

Qoraqalpog‘iston Respublikasi Beruniy tumanida xalq deputatlari tuman Kengashining navbatdagi sessiyasi bo‘lib o‘tdi. Bu haqda “KRuz.uz” xabar bermoqda.

Sessiyada Hamid Bayjanovni tuman hokimining iqtisodiy va ijtimoiy rivojlantirish,  xizmat ko‘rsatish sohasi va tadbirkorlik masalalari bo‘yicha o‘rinbosari lavozimidan ozod qilish haqidagi qaror tasdiqlandi.

Shundan so‘ng Ilhom Matkarimovni tuman hokimining iqtisodiy va tadbirkorlik masalalari bo‘yicha  birinchi o‘rinbosari, Gulimbay Yuldashevni tuman hokimining sanoatni rivojlantirish,  kapital qurilish,  kommunikatsiyalar va kommunal xo‘jalik masalalari bo‘yicha o‘rinbosari, Azad Xudaybergenovni tuman hokimining yoshlar siyosati,  ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tasdiqlash haqidagi qarorlar qabul qilindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!