O‘zbekistonda koronavirusga chalinganlar soni 2233 nafarga yetdi

O‘zbekistonda 6-may soat 23:00 holatiga ko‘ra, koronavirus infeksiyasini yuqtirib olganlar soni 2 kishiga oshib, kasallanganlar 2233 nafarga yetdi, deya xabar bermoqda Sog‘liqni saqlash vazirligi.

Avvalroq O‘zbekistonda 6-may soat 17:00 holatiga ko‘ra koronavirusga chalinganlar soni 2231 nafarga yetgani haqida xabar berilgan edi.

O‘zbekistonda 15-martdan buyon koronavirusga chalingan bemorlarning 10 nafari vafot etdi, 1577 nafari esa sog‘aygan. Ayni vaqtda 646 kishi davolanishda qolmoqda.