Moskvada 12-maydan sanoat korxonalari faoliyatini qayta boshlaydi. Boshqa cheklovlar o‘z kuchida qoladi
2020-yil 12-maydan boshlab Rossiya poytaxti Moskva shahridagi barcha sanoat korxonalari va qurilishlar qayta ish boshlaydi. Bu haqda Moskva meri Sergey Sobyanin RF prezidenti Vladimir Putin o‘tkazgan majlisda ma’lum qilgan, deb yozmoqda Meduza.
Shuningdek, Sobyanin shaharda xizmat ko‘rsatish muassasalarining faoliyatini qaytadan boshlashga hali erta ekanligini qayd etgan.
Mavzuga doir: Rossiya madaniyat vazirida koronavirus aniqlandi
Mart oyi oxiridan beri Rossiyada ishlanmaydigan kunlar e’lon qilingan va shu vaqtga qadar karantin muddati uzaytirib kelinayotgandi, mamlakatda faqat hukumat maxsus ro‘yxatiga kiritilgan korxona va muassasalarning ishlashiga ruxsat berilgan. Jumladan, aholiga zarur bo‘lgan birlamchi ehtiyoj tovarlarini ishlab chiqaruvchi korxonalar o‘z faoliyatini to‘xtatmagan.
Mavzuga doir:
Manba: Daryo.uz
Добавить комментарий!
- отсутствуют