Moskvaning “Spartak” futbol klubi xo‘jayini Leonid Fedun koronavirusga chalindi

Moskvaning “Spartak” klubi egasi Leonid Fedun shifoxonaga joylashtirildi, deya ma’lum qilmoqda klub matbuot xizmati.

Funksionerda koronavirus aniqlangan. Ayni damda u shifoxonada davolanmoqda.

“Klub Leonid Arnoldovichning tezda sog‘ayib ketishini tilaydi!”, — deyiladi “Spartak” bayonotida.

Aprel oyida Fedun koronavirusga qarshi kurash uchun 10 million rubl xayriya qilgandi.

Rossiyalik milliarder, “Lukoyl” kompaniyasi vitse-prezidentining umumiy boyligi 6 milliard dollardan oshadi. 64 yoshli Fedun Rossiyaning 200 nafar eng boy odami ro‘yxatiga kiradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!