Farg‘onada uyida qimorxona tashkil qilgan shaxsga jinoyat ishi qo‘zg‘atildi

Farg‘ona viloyatining Oltiariq tumanida karantin qoidalari buzib, uyida qimorxona tashkil qilgan fuqaro qo‘lga olindi, deya xabar beradi “Daryo” muxbiri.

Joriy yil 4-may kuni IIB xodimlari tomonidan o‘tkazilgan tezkor tadbir davomida Oltiariq tumani Yorqin ko‘chasida yashovchi O.A. yashash xonadonida noqonuniy ravishda qimorxona tashkil qilib, tanishlari M.X., N.X. va A.U.ga qimor o‘ynashi uchun sharoit yaratib berganligi aniqlangan. O‘yinga tikilgan 880 ming so‘m pul va o‘yin kartalari daliliy ashyo tariqasida hujjatlashtirilgan.

Mazkur holat yuzasidan Oltiariq tumani IIB tomonidan Jinoyat kodeksining 278-moddasi 1-qismi (Qimorxona tashkil etish) bilan jinoyat ishi qo‘zg‘atilib, tergov harakatlari olib borilmoqda.

Mavzuga doir: