Futbol bo‘yicha Germaniya Kubogining final o‘yini qachon o‘tkazilishi ma’lum bo‘ldi

Futbol bo‘yicha Germaniya Kubogi yarim final va final uchrashuvlari qachon o‘tkazilishi ma’lum bo‘ldi.

Germaniya Kubogi yarim final bahslari 9 va 10-iyun kunlari bo‘lib o‘tadi. Final esa 4 iyul kuniga mo‘ljal qilingan. Bu haqida Nemis futbol ittifoqi qaror qabul qilgan.

Eslatib o‘tamiz, Germaniya Kubogi yarim finalida “Bavariya” — “Ayntraxt” va “Bayer” — “Saabryukken” uchrashuvlari bo‘lib o‘tadi.

Avvalroq Bundesliga uchrashuvlari 16-may kunidan qayta boshlanishi xabar qilingandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!