Finlyandiya gazetasi masofa saqlashni eslatuvchi muqova bilan chop etildi. Undagi yozuvni 2 metr uzoqlikdan o‘qish mumkin
Finlyandiyadagi Helsingin Sanomat ommabop gazetasining muqovasi ijtimoiy masofa saqlash muhimligi haqidagi eslatma bilan chop etildi, deb yozadi Esquire.
Biroq eslatma optik illyuziya bilan yashirilgan bo‘lib, uni faqat 1,5-2 metr masofadan o‘qish mumkin. Koronavirus tarqalmasligi uchun odamlardan o‘zaro aynan shuncha masofa saqlash talab etilmoqda.
Gazeta dizayni TBWAHelsinki kreativ agentligida tayyorlangan.
“Odamlarga nima qilish kerakligi haqida maqola yozgandan ko‘ra, ularga buni his etish imkonini berishni xohladik. Ishonamizki, bu ularda katta taassurot qoldiradi hamda insonlar masofa saqlashning ahamiyati haqida o‘ylaydi”, — deyiladi xabarda.
Mavzuga doir: Amerika gazetasi ikkita bir xil suratni chop etib, 10 ta farqni topishni so‘radi. Keyinroq buning uchun kechirim so‘radi
Manba: Daryo.uz