“Real”ga qarshi o‘yindan keyin politsiya “Bavariya”ning uch futbolchisini hakamlar xonasidan olib chiqdi

“Real”ga qarshi o‘yindan keyin “Bavariya” klubining uch nafar a’zosi hakamlar bilan munosabatlariga oydinlik kiritish uchun ularning xonasiga yo‘l olgan. Bu haqda “Chempionat” ma’lumot berdi.

Bular: Tyago Alkantara, Arturo Vidal va Robert Levandovski. Ular hakamlikdan norozi ekanliklarini qayd etishni va bunda bosh referi Viktor Kashshaidan izoh talab qilishni istagandi. Vaholanki, futbolchilarning bunga haqqi yo‘q.

Shu tariqa politsiya myunxenliklarning uch futbolchisini hakamlar xonasidan chiqarib yuborishga majbur bo‘ldi. Kashshai bu borada shikoyatnoma yozgan yoki yo‘qligi, shuningdek, futbolchilar ularga nisbatan qanday so‘zlar aytgani ma’lum emas.