O‘zbekiston Qozog‘iston suv omborlaridagi ortiqcha suv hajmlarini qabul qilib olishga tayyorligi bildirildi

O‘zbekiston Qozog‘iston hududidagi suv omborlarida mavjud ortiqcha suv hajmlarini qabul qilib olishga tayyor. Bu haqda Qozog‘iston bosh vazirining o‘rinbosari Asqar Mirzahmedov ma’lum qildi, deya xabar beradi “1News.uz”.

“Ikki milliard kubometr suv mavjud, Shardorda yana 500 million kubometr suv bo‘ladi. Buning barchasi quyiga qarab ketmoqda, biroq hech qanday xavfni ko‘rayotganimiz yo‘q. Agar shunday vaziyat yuzaga kelsa, o‘zbek tomoni bilan kelishuvimiz bor. Suvning qo‘shimcha hajmlarini ular qabul qilib olishga tayyor”, — deya ta’kidladi Asqar Mirzahmedov. 

Qayd etilishicha, mazkur suv hajmlari O‘zbekistonning Aydar-Arnasoy ko‘l tizimlariga kelib tushishi ko‘zda tutilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!