O‘zbekistonda 18-may kuni 38 kishida koronavirus aniqlandi, 67 kishi kasallikdan sog‘aydi

O‘zbekistonda 18-may soat 23:00 holatiga ko‘ra koronavirusga chalinganlar soni 12 kishiga oshib, 2791 nafarga yetdi. Bu haqda Sog‘liqni saqlash vazirligi xabar bermoqda. Kun davomida aniqlangan kasallanish holatlari soni 38 tani tashkil etdi.

Qayd etilgan 12 ta yangi kasallanish holatlarining sakkiztasi xalqaro yuk tashuvchi avtomashina haydovchilarida, bittasi Tojikistondan kelib, karantinga olingan, uchtasi esa oldindan karantinda bo‘lgan fuqarolar orasidan aniqlangan.

O‘zbekistonda koronavirus infeksiyasi ilk bor qayd etilganidan buyon 2314 kishi (jumladan, 18-may kuni 67 kishi) sog‘ayib, reabilitatsiyaga kuzatildi. Koronavirus infeksiyasi asoratlari oqibatida 13 nafar bemor vafot etgan.