Putin Erdo‘g‘on bilan Rossiya—Turkiya munosabatlari haqida telefon orqali suhbatlashdi

Rossiya prezidenti Vladimir Putin Turkiya prezidenti Rajab Toyyib Erdo‘g‘on bilan telefon orqali suhbatlashdi. Bu haqda Kreml matbuot xizmati ma’lum qildi, deb yozadi “Gazeta.ru”.

Putin va Erdo‘g‘on Rossiya—Turkiya munosabatlarini yanada rivojlantirishning muhim masalalarini muhokama qildi.

“Suriyadagi vaziyat bo‘yicha fikrlar almashinuvi davom ettirildi. Ostona va Jeneva formatlarida jangovar harakatlarni to‘xtatish rejimini mustahkamlash zarurati va Suriya bo‘yicha muzokaralar jarayonini ilgari surish lozimligiga urg‘u berildi”, — deyiladi xabarda.

Tomonlar, shuningdek, Idlib viloyatida kimyoviy qurol qo‘llanganlik ehtimoli bilan bog‘liq hodisa yuzasidan xolis xalqaro surishtiruvning muhimligini ta’kidladi. “Daryo”ning Telegram’dagi rasmiy kanali — @toshqindaryo’ga a’zo bo‘ling!