UFC’ning navbatdagi musobaqasi sanasi va joyi ma’lum bo‘ldi

UFC prezidenti Deyna Uayt promoushenning keyingi musobaqasi 30-may kuni Las-Vegasda bo‘lib o‘tishini ma’lum qildi.

Nevada shtati atletika qo‘mitasi shtat hududida sport musobaqalarini o‘tkazishga hali ruxsat bergani yo‘q. Biroq Uaytning so‘zlariga ko‘ra, komissiya Las-Vegasda tomoshabinlarsiz musobaqa o‘tkazish fikrini to‘liq qo‘llab-quvvatlaydi.

Avvalroq UFC bir hafta ichida uchta musobaqa tashkil qilgan edi: UFC 249 kechasi 10-may kuni (Toshkent vaqti bilan) bo‘lib o‘tgan bo‘lsa, 14-mayda UFC Fight Night 171 va 17-may kuni UFC Fight Night 172 musobaqalari o‘tkazildi. Ularning barchasiga Jeksonvill shahri (Florida shtati, AQSh) mezbonlik qildi.

30-may kungi UFC kechasida sobiq chempion Tayron Vudli va Gilbert Byorns o‘rtasida jang bo‘lib o‘tishi taxmin qilinmoqda.

Mavzuga doir: