OAV: AQShning sobiq prezidenti katta Jorj Bush yana kasalxonaga yotqizildi

AQSh sobiq prezidenti katta Jorj Bush zotiljam tashxisi bilan yana kasalxonaga yotqizildi. Bu haqda “TASS” xabar bermoqda. 

BNO News telekanaliga ko‘ra, katta Jorj Bush doimiy yo‘tal tufayli tekshiruvdan o‘tish uchun Xyuston shahridagi kasalxonaga yetkazilgan. Keyinchalik unda zotiljamning yengil bosqichi aniqlangan va muolaja olishga kirishgan. 

Kasalxona vakilining bildirishicha, bemorning kayfiyati yaxshi va kasallikdan xalos bo‘lmoqda. 

Ma’lumot uchun, AQShning 41-prezidenti joriy yil yanvar oyida ham shunday tashxis bilan kasalxonaga yotqizilgan va ikki haftadan so‘ng unga ruxsat berilgandi.  “Daryo”ning Telegram’dagi rasmiy kanali — @toshqindaryo’ga a’zo bo‘ling!