Rossiyada koronavirusga chalinganlarning umumiy soni 380 ming kishiga yaqinlashdi

Rossiyada so‘nggi sutkada koronavirusga chalinish bo‘yicha 8 371 ta holat qayd etildi. Bir kun avval kasallanganlar soni 8 338 kishiga oshgandi.

Koronavirusga qarshi kurash bo‘yicha tezkor shtab ma’lumotlariga ko‘ra, mamlakatda epidemiya boshlanganidan buyon 379 051 kishi koronavirusga chalingan.

Kasallanganlarning 8 785 nafari tuzalib, ularning umumiy soni 150 993 nafarga yetgan.

Shuningdek, sutka davomida bemorlarning 174 nafari, umumiy hisobda esa 4 142 nafari virus qurboni bo‘lgan. 27-may kuni 161 kishi, 26-may kuni 174 kishi, 25-may kuni 92 kishi koronavirusdan vafot etgandi.

Mamlakatda koronavirusni aniqlash bo‘yicha 9,7 milliondan ortiq test o‘tkazilgan.

Mavzuga doir: Virusolog Rossiyada birinchi marta mushukning koronavirusga chalinganiga munosabat bildirdi