Kimyoviy qurolni taqiqlash tashkiloti: Suriyaning Idlib shahrida zarin qo‘llanilgan

4-aprel kuni Suriyaning Idlib shahridagi gazli hujumda zarin yoki uning muqobili qo‘llanilgan. Bunday xulosaga olib borilgan tahlillardan so‘ng kelingan, deb yozadi “Korrespondent.net” Kimyoviy qurolni taqiqlash tashkilotiga tayanib.

Hujum natijasida halok bo‘lgan uch kishining jasadini yorish chog‘ida to‘plangan biotibbiy namunalar tadqiq etilgan.

“Kasalxonada davolanayotgan yana yetti bemorning biotibbiy materiali ham Kimyoviy qurolni taqiqlash tashkilotining ikkita laboratoriyasida tekshirildi. Natijalar ular zarin yoki uning analoglaridan jabrlanganini ko‘rsatdi”, — deyiladi tashkilot bayonotida.