Shavkat Mirziyoyev tashrifidan so‘ng “Nukus xalqaro aeroporti”da qanday o‘zgarishlar amalga oshirilmoqda?

O‘zbekiston Respublikasi Prezidenti Shavkat Mirziyoyev joriy yilning 20—21-yanvar kunlari Qoraqalpog‘iston Respublikasiga tashrifi davomida bir qator topshiriqlar bergan edi, deb yozadi “KRuz.uz”.

Jumladan, “Nukus xalqaro aeroporti” binosini xalqaro talablariga mos rekonstruksiya qilish, Aerovokzal atrofini obodonlashtirish ishlariga zarur mablag‘larni ajratish yuzasidan taklif tayyorlanishi vazifa qilib berilgandi.

Mazkur topshiriq yuzasidan, “O‘zbekiston havo yo‘llari” MAK tomonidan Vazirlar Mahkamasining qarori loyihasi ishlab chiqildi. Unga ko‘ra bosh pudratchi va buyurtmachilar aniqlanib, rekonstruksiya ishlarini moliyalashtirish manbalari Milliy aviakompaniya o‘z mablag‘lari hisobidan, vokzal atrofini obodonlashtirish ishlari mahalliy byudjet mablag‘lari hisobidan belgilangan. (Dastlabki loyiha qimati 48,0 milliard so‘m).

Loyiha barcha tegishli vazirlik va idoralar bilan kelishilib, Vazirlar Mahkamasiga kiritildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!