Farg‘onada 16 yoshli o‘smir boshqaruvidagi Lacetti’ning ag‘darilishi oqibatida mashina ichidagi 14 yoshli yo‘lovchi halok bo‘ldi

Farg‘ona viloyati Uchko‘prik tumanida 16 yoshli o‘smir boshqargan Lacetti’ning ag‘darilishi oqibatida bir nafar voyaga yetmagan shaxs vafot etdi. Bu haqda Farg‘ona viloyati ichki ishlar boshqarmasi xabar qilgan.

Xabarga ko‘ra, 1-iyun kuni voyaga yetmagan A.Q. boshqaruvidagi Lacetti “Qo‘qonboy” mahallasida boshqaruvni yo‘qotish oqibatida ag‘darilgan. Avtomashina ichida bo‘lgan voyaga yetmagan yo‘lovchi A.Ya. shifoxonada vafot etgan.

Holat yuzasidan Uchko‘prik tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.

Mavzuga doir: