Pyotr Poroshenko Donbassda urush ketayotganini ta’kidladi

Ukraina prezidenti Pyotr Poroshenko Sky News’ga bergan intervyusida Donbassdagi vaziyatni muzlatilgan ixtilof emas, balki haqiqiy urush deb hisoblashini ta’kidlab o‘tdi. Bu haqda “Kommersant.ru” xabar bermoqda.

“Ayrimlar u yerdagi vaziyatni muzlatilgan ixtilof sifatida taqdim etishga urinmoqda. Ammo u muzlatilmagan. Bu — mamlakatimga qarshi Rossiyaning hali qaynoq tajovuzidir”, — uning so‘zlari keltirildi prezident ma’muriyatining rasmiy saytida.

Poroshenkoning so‘zlariga qaraganda, yil boshidan buyon 69 nafar ukrainalik harbiy xizmatchi halok bo‘ldi.

“Axir bu muzlatilgan ixtilofmi? Bu — haqiqiy issiq urush. Bu real tajovuz”, — yana bir bor qayd etdi Poroshenko.