Iroq terma jamoasi O‘zbekiston bilan o‘rtoqlik o‘yini o‘tkazishni istamadi
Iroq terma jamoasi oktabr oyidagi FIFA kunida O‘zbekiston bilan o‘rtoqlik o‘yini o‘tkazishdan bosh tortdi.
Qatarda faoliyat yuritayotgan mutasaddi Alisher Nikimbayevning xabar qilishicha, Iroq terma jamoasi bosh murabbiyi Srechko Katanets 8-oktabr kuni Toshkentda o‘rtoqlik o‘yini o‘tkazish taklifini rad etgan.
Iroq 13-oktabr kuni Gonkong uyiga safar qiladi. O‘zbekiston va Gonkong orasidagi masofaning uzoqligi iroqliklarning rad javobiga sabab bo‘lgan.
Eslatib o‘tamiz, oktabr oyidagi FIFA kunlaridan boshlab JCh—2022 musobaqasining saralash bahslari davom ettiriladi. 8-oktabr kuni 7-tur bahslari bo‘lib o‘tadi va unda O‘zbekiston terma jamoasi dam oladi. 13-oktabrda Vadim Abramov shogirdlari safarda Yaman bilan o‘ynaydi.
Mavzuga doir: O‘zbekiston terma jamoasi JCh—2022 saralashi doirasidagi o‘yinlarni qachon o‘tkazishi ma’lum bo‘ldi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz