Rossiyada koronavirusga chalinganlar soni 500 ming kishidan oshib ketdi

Rossiyada so‘nggi sutkada koronavirusga chalinish bo‘yicha 8779 ta holat qayd etildi, deb xabar bermoqda Meduza koronavirusga qarshi kurash bo‘yicha tezkor shtabning 11-iyun kuni bergan ma’lumotlariga tayanib.

Rossiyada umumiy hisobda 502 436 kishi koronavirusga chalingan.

So‘nggi sutkada bemorlarning 174 nafari vafot etgan bo‘lib, mamlakatda epidemiya boshlanganidan buyon COVID-19 qurbonlarining jami soni 6532 kishiga yetdi.

Shuningdek, sutka davomida bemorlarning 8367 nafari tuzalgan bo‘lib, sog‘ayganlarning umumiy soni 261 150 kishini tashkil etmoqda.

Mamlakatda koronavirusni aniqlash bo‘yicha so‘nggi sutkada 329,7 mingta, epidemiya boshlanganidan buyon esa 13,8 millionta test o‘tkazilgan.

Mavzuyga doir: