Lionel Messi La Liganing ketma-ket 12 mavsumida 20 va undan ortiq gol urgan ilk futbolchiga aylandi
Lionel Messi Ispaniya chempionatining 28-turidan o‘rin olgan “Barselona” — “Malyorka” (4:0) o‘yinida bitta gol urdi va ikkita golga assistentlik qildi.
Shu tariqa, Messi Ispaniya chempionatining ketma-ket 12 mavsumida kamida 20 tadan gol urishga muvaffaq bo‘lgan ilk futbolchiga aylandi.
2008/09-yilgi mavsum (23 ta gol)
2009/10 (34)
2010/11 (31)
2011/12 (50)
2012/13 (46)
2013/14 (28)
2014/15 (43)
2015/16 (26)
2016/17 (37)
2017/18 (34)
2018/19 (36)
2019/20 (20).
Joriy mavsumda esa Messi barcha musobaqalarda 32 ta o‘yin o‘tkazib, 25 ta gol urdi va 18 ta golli uzatmani amalga oshirdi. U “Barselona” tarkibida jami 718 ta o‘yin o‘tkazib, 627 ta gol va 265 ta assistga mualliflik qilgan.
28-turdan keyin katalon klubi La Ligada birinchi o‘rinni egallab turibdi. Ikkinchi pog‘onada borayotgan “Real” peshqadamdan 5 ochkoga ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz