“Abu Saxiy”dagi do‘kondan salkam 30 mln so‘mlik telefonlarni o‘g‘irlagan ikki yigit qo‘lga olindi
13-iyun kuni soat 00:15 larda Chilonzor tumanida joylashgan “Toshkent” savdo majmuasidagi do‘konlarning biridan qiymati salkam 30 million so‘mlik mobil telefonlar o‘g‘irlab ketildi. Bu haqda Toshkent shahar IIBB axborot xizmati xabar berdi.
Ma’lumotlarga ko‘ra, Toshkent viloyatidan bo‘lgan 19 yoshli J.K va A.K. ismli yigitlar savdo majmuasidagi do‘konlardan birining eshigi oynasini sindirib, u yerdagi 17 ta mobil telefon va 2 ta planshetni o‘g‘irlab ketgan. O‘g‘irlangan qurilmalarning umumiy qiymati 29 million 886 ming so‘mga teng.
Ta’kidlanishicha, 14-iyun kuni yigitlarning shaxsi aniqlanib, PPX va Jinoyat qidiruv xodimlari tomonidan qo‘lga olingan.
Mazkur holat yuzasidan Jinoyat kodeksining 169-moddasi (“O‘g‘rilik”) bo‘yicha jinoiy ish qo‘zg‘atilgan.
Mavzuga doir:
Manba: Daryo.uz