Parijda yuzlab ayol politsiyachilar zo‘ravonlikka qarshi namoyishga chiqdi

Ayol politsiyachilarning zo‘ravonlikka qarshi norozilik aksiyasi bugun, 22-aprel kuni Parijda o‘tmoqda. Aksiyada 200 ga yaqin politsiya xodimalari to‘plandi, deb xabar bermoqda “RIA Novosti”.

Aksiyaning asosiy sabablaridan biri ikki kun muqaddam Yelisey dalalarida uyushtirilgan terakt bo‘ldi. Ushbu terakt oqibatida bir nafar politsiya xodimi halok bo‘lgan edi.

Politsiya, maxsus kuchlar va jandarmeriya xodimalari “Huquq-tartibot organlaridagi ayollar g‘azabda” va “Mening politsiyachimga teginma” shiorlari ostida namoyish qilmoqda. Ularning qo‘llarida gullar, bayroqlar, havo rang va qora pufaklar bor.