Filippin harbiylari “Abu Sayyaf” yetakchilaridan birini yo‘q qildi

“Abu Sayyaf” terrorchi guruhining yetakchilaridan biri Filippinning Boxol orolida hukumat kuchlari bilan otishma chog‘ida o‘ldirildi. Bu haqda, CNN Philippines telekanaliga asoslanib, “RIA Novosti” xabar bermoqda.

“Bu rostanam Xoselito Meyoriya, va u qo‘shinlarimiz uning guruhi bilan to‘qnashgan chog‘ida o‘ldirildi”, — ma’lum qildi telekanalga Filippin qurolli kuchlari vakili Restituto Padiya.

Ilgariroq Boxol shtati gubernatori otishma davomida kamida olti nafar radikal yo‘q qilinganini bildirgan edi.