“Arsenal”ning braziliyalik hujumchisi operatsiya qilindi. Endi u bu mavsum boshqa maydonga tusha olmaydi

“Arsenal” hujumchisi Gabriel Martinelli chap tizzasida jarrohlik amaliyotini o‘tkazdi. Bu haqida London klubi matbuot xizmati xabar bermoqda.

Ta’kidlanishicha, 19 yoshli futbolchi endilikda 2019/20-yilgi mavsumning qolgan qismida “to‘pchilar”ga yordam bera olmaydi.

Martinelli 21-iyun, yakshanba kuni “Arsenal” mashg‘ulotlarida jarohat olgan. Braziliyalik futbolchi 2019-yildan beri ingliz klubi sharafini himoya qilib keladi. U ushbu mavsumda Premyer Liganing 14 o‘yinida maydonga tushib, o‘z nomiga 3 ta gol yozdirib qo‘ydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!