Ozodbek Nazarbekov qizining to‘yi munosabati bilan osh berdi (foto)

O‘zbekiston xalq artisti Ozodbek Nazarbekov 22-aprel kuni ikkinchi qizi Layloning to‘yi munosabati bilan osh berdi. Bu haqda “Darakchi.uz” xabar qildi.

Osh dasturxoni poytaxtdagi “Navro‘z” restoranida yozildi. To‘yda O‘zbekiston xalq artisti Farruh Zokirov, Yodgor Sa’diyev, Obid Asomov, xonandalar Botir Qodirov, Ilhom Farmonov, Og‘abek Sobirov, Anvar Sobirov, To‘lqin Jabborov, Ilhom Ibrohimov, “Surxon” guruhi xonandalari va boshqalar mehmon bo‘ldi.

Nashr yozishicha, Ozodbek Nazarbekovning ikkinchi qizi Laylo bu yil 19 yoshni qarshi oladi. Xonanda o‘zining intervyularidani birida qizi hech kimga o‘xshamasligini, judayam og‘ir va bosiq ekanligini aytib o‘tgandi.