Konor Makgregor agar oktagonga qaytsa, kimlar bilan jang qilishi ma’lum qilindi

Ikki vazn toifasida UFC’ning sobiq chempioni Konor Makgregorning murabbiyi Jon Kavana shogirdining oktagonga qaytishi haqida gapirdi.

“Konor qaytadimi, yo‘qmi bilmayman. Rostini aytsam, u hozir nafaqadagi hayotidan zavqlanib yashamoqda. Men unga faqat eng yaxshi narsalarni tilayman. Ammo kim bilsin, u hali yosh. Kelajakda qanday takliflar paydo bo‘lishini ko‘ramiz, balki unga ma’qul keladigan nimadir topilib qolar.

Agar Konor qaytsa, men uning Jastin Getji va Neyt Diasga qarshi janglarini, shuningdek, Habib Nurmagomedov bilan revanshini ko‘rishni xohlagan bo‘lardim”, — deydi Kavana.

Eslatib o‘tamiz, avvalroq irlandiyalik jangchi 3-marta faoliyatini yakunlaganini e’lon qilgandi.

Mavzuga doir: 

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!