Ekspertlar avtomobillarning eng ommabop ranglarini aniqladi

BASF Coatings kompaniyasi ekspertlari Yevropa mamlakatlari va Rossiyadagi avtomobillarning eng ommabop ranglarini ma’lum qildi. 2016-yilning yakunlariga ko‘ra, xaridorlar oq rangni ko‘proq ma’qul ko‘rgan. Oq rangni tanlaganlar 29 foizni tashkil qilgan. Bu haqda “Motor” xabar berdi.

O‘tgan yilda avtomobillarning 78 foizi klassik palitra ranglari, oq, qora, kulrang yoki kumushrangga bo‘yalgan. Bunda kulrangga talab 12 foizni tashkil qilgan, 2015-yilda bu ko‘rsatkich 16 foiz bo‘lgan.

Kamroq talab qilingan ranglar sarg‘ish, yashil, to‘q sariq, oltinrang, zangori va sariq rang bo‘lgan.

Aniqlanishicha, ranglar tanlovi avtomobil segmentiga bog‘liq ravishda keskin farqlanadi. Yevropada xarid qilinadigan avtomobillarning 28 foizi oq rangda, 19 foizi qora rangda va 19 foizi kulrang hisoblanadi. Krossoverlarda sport avtomobillari kabi eng ma’qul ko‘riladigan rang kulrang bo‘ldi. Lyuks avtomobillar esa, asosan, qora rangda xarid qilinadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!