OAV: Shimoliy Koreyada AQSh fuqarosi hibsga olindi

Shimoliy Koreyada 21-aprel, juma kuni AQSh fuqarosi hibsga olindi. Yonhap agentligi u KXDRda qo‘lga olingan uchinchi amerikalik ekanligini bildirmoqda, deya xabar beradi “RBK”.

Hozircha uning familiyasi Kim ekanligi va Xitoydagi Yanbian universitetida dars bergani ma’lum, xolos. Shuningdek, u Shimoliy Koreyaga gumanitar yordam yetkazish dasturida ham ishtirok etgan.

Kim shunday dasturlardan biri doirasida KXDRga kelgan. Respublikada bir oyga yaqin bo‘lgan va Pxenyan xalqaro aeroportidan uchib ketayotganida qo‘lga olingan.

Uning nima sababdan qo‘lga olingani hozircha ma’lum emas. Vashington mazkur xabarga rasman izoh bermadi.